بہاول پور(صدائے پاکستان ) گورنمنٹ کالج آف ٹیکنالوجی برائے خواتین بہاول پور کے زیر اہتمام یوم آزادی پاکستان کے حوالہ سے پر وقار تقریب منعقد ہوئی۔ اس موقع پر ایم پی اے سعدیہ بلال مہمان خصوصی جبکہ صدرویمن چیمبرآف کامرس اینڈ انڈسٹریز بہاول پورسمیت نائب صدر پاکستان مسلم لیگ ن لائرزفورم بہاول پور محمدبلال محمود مہمانان اعزاز تھے۔تقریب کے آغاز میں پرنسپل سمیراصالح ودیگرنے پرچم کشائی میں شرکت کی اور قومی ترانہ پڑھا۔ اس موقع پریوم آزادی پاکستان کے حوالہ سے تقاریر، ملی نغمات اور ٹیبلوز پیش کئے گئے۔
تقریب سے خطاب کرتے ہوئے مہمان خصوصی ایم پی اے سعدیہ بلال نے کہا کہ خداد اد آزاد مملکت اسلامی جمہوریہ پاکستان ایک عظیم نعمت ہے۔ انہوں نے کہا کہ پاکستان کے قیام کو 78 برس گزر چکے ہیں جو ہماری قربانیوں، جدوجہد اور کامیابیوں کی داستان ہے۔پرنسپل گورنمنٹ کالج آف ٹیکنالوجی سمیراصالح نے کہا کہ پاکستان ہمارے اسلاف کی لازوال قربانیوں کے بعد حاصل ہوا ہے۔ہمارے لیے ضروری ہے کہ ہم ملک کی ترقی و خوشحالی میں اپنا کردار ادا کریں۔ بعد ازاں ملک کی ترقی و خوشحالی کے لئے دعا کی گئی۔تقریب کے آخر میں کیک کاٹا گیا اورملک وقوم کی سلامتی کیلئے دعائیں مانگی گئی۔