بھارتی بورڈ نے شرمندگی مٹانے کیلئے میچز منتقل کرنے سے انکار کردیا ۔ مؤقف اختیار کیا کہ وینیوز کی تبدیلی انتظامی افراتفری کا سبب بنے گی ۔ ٹیموں کے ہوٹل بک ہیں۔ ہوائی جہاز کی ٹکٹیں لی جا چکی ہیں ۔ محض کسی کی خواہش یا پسند کی بنیاد پر وینیوز تبدیل نہیں کرسکتے
بنگلا دیش کرکٹ بورڈ نے ٹی 20 ورلڈکپ کیلئے ٹیم بھارت نہ بھیجنے کا باضابطہ اعلان کردیا۔ ترجمان بی سی بی کے مطابق بنگلہ دیش ٹیم کی حفاظت اور سیکیورٹی کے خدشات کے باعث ٹیم بھارت نہ بھیجنے کا فیصلہ کیا، ٹیم نہ بھیجنے کے معاملے پر بورڈ آف ڈائریکٹرز کے ہنگامی اجلاس منعقد کیا گیا، ٹیم بھارت نہ بھیجنے کا فیصلہ حکومت کی مشاورت کے بعد کیا گیا۔
بیان کے مطابق کھلاڑیوں اور آفیشلز کے تحفظ کیلئے یہ قدم اٹھانا ناگزیر ہے، بنگلہ دیشی ٹیم ان حالات میں ٹورنامنٹ کے لیے بھارت کا سفر نہیں کرے گی، آئی سی سی کو میچزدوسرے ملک منتقل کرنے کی درخواست کی ہے