حکومت پنجاب اور پولیس نے بلاول ہاؤس لاہور کی سیکیورٹی واپس لینے کی خبروں کی تردید کردی
وزیراطلاعات عظمیٰ بخاری نے واضح کیا کہ سیکیورٹی واپس لینے کی خبریں من گھڑت ہیں اور بلاول ہاؤس لاہور میں سیکیورٹی معمول کے مطابق موجود ہے
پنجاب پولیس نے بھی بلاول ہاوس کی سیکورٹی واپس لینے کی خبر کو حقائق کے منافی قرار دیا۔ ترجمان پنجاب پولیس کے مطابق بلاول ہاؤس کی سیکیورٹی مکمل اور معمول کے مطابق ہے ، چند اہلکار ریسٹ پر تھے جن کی جگہ متبادل بجھوا دیے گئے ہیں
ترجمان کا کہنا تھا کہ معمول کی تبدیلی کو سیکورٹی واپس لینے سے جوڑنا بے بنیاد ہے اور سیاسی رنگ دینا حقائق کے منافی ہے۔ حکومت پنجاب کی طرف سے ایسی کوئی ہدایات نہیں دی گئیں